「兄弟熊」馬主范邦初身處美國，將越洋替愛駒打氣。他說：「『兄弟熊』今季狀態來得比較慢，進度沒有上季般快，由於牠大了一歲，馬身長大了許多，要牠收身比較困難和需要時間，但現在開始轉好，收了身，希望可以跑得好些。我對『兄弟熊』上次跑法失望，我覺得可能是末段騎師（韋達）落鞭唔夠狠，隻馬或誤以為你(騎師)唔打我，我就不用加速走啦！今次換上柏寶，雖然排外檔，但柏寶有鋪癮喜大外檔展開衝刺，排外檔對柏寶未必是大問題。我認為柏寶入了直路後那手鞭會硬淨過韋達，希望澳洲騎師（柏寶）手鞭可以幫到『兄弟熊』，跑得好一點。」
換言之就算韋達今次唔停賽，「兄弟熊」亦應會換人。而近兩匹同主馬「熊英雄」及「至叻熊」合共六次配柏寶常不勝有位未失前五名，話唔定柏寶今次可替「兄弟熊」取得突破。