日前熱血公民鄭松泰接受訪問，話熱血會政黨化，又話全面撤出社運，唔再搞勇武抗爭，仲話皇上黃洋達已退出熱血公民，令好多政界、社運界人士大感驚訝，因為熱血唔再勇武，咁仲算唔算熱血公民？唔係轉軚轉得咁快呀？
社民連主席噚日就喺fb貼文抽水，話兩個月前反釋法，俾班警察人肉扯大纜之後，腰骨膝頭痛到頂唔住，終於要死死地氣去針灸，點知睇完醫生後，睇見新聞話熱血議員鄭松泰繼早前聲稱「永續基本法」已不存在後，𠵱家又宣佈全面撤出社運，仲提倡「四不」，「不勇不武不抗不爭」，文遠話熱血極速改變立場，溫和程度仲遠超泛民，此時此刻，我感到做完針灸背脊好熱血！之後仲加多個hashtag：#熱血公民應該向本民前道歉，真係抽水抽到盡！