點解紐妮絲喺賽後記招會戴住個獅子面具晒腰帶（圖）？原來呢位「獅子女」（The Lioness）16歲嗰陣去過巴西柔術大師卡華奴嘅道場受訓，而卡華奴團隊嘅logo係兩隻獅子，大家見紐妮絲係團隊入面唯一嘅女仔，咪幫佢改呢個花名囉。
花絮︰師奶版賤輝
大家有睇電影《激戰》嘅話都會對「賤輝」有印象，而日本亦有位現實版賤輝！現年49歲、早於1985年喺摔角界出身嘅堀田祐美子（右）上周六喺日本再上MMA擂台，可惜最終俾31歲嘅巴西選手加比（左）T.K.O.。
花絮︰腰帶有洋蔥
25歲美國選手加賓特（Cody Garbrandt、左）喺男子輕量級賽事同衞冕嘅古斯（Dominick Cruz）打足五回合，最終爆冷贏點數，賽後仲將條腰帶戴喺力抗白血病嘅10歲小粉絲身上。