噢聖誕節～托它歸家～ 聖誕節普天同慶，大家唔多唔少都會收到幾份聖誕禮物，不過有時收到啲奇怪禮物，真係唔知好嬲定好笑。記者於調景嶺訪問了數十位市民，大家收到的禮物無奇不有。
周先生試過收到磚頭，亦試過收到一個遊戲機盒，入面放滿十一個蘋果，兩份禮物都頗具「份量」。廖小姐亦試過收到罐頭，實用嘅，不過就重咗啲囉。
有人鍾意送重磅禮物，亦有人鍾意物「輕」情義重。有多位受訪者都不約而同收過紙巾做聖誕禮物。睇嚟送杯已經out嘞，送包紙巾溫柔又細心，隨時隨身。
實用品都係送禮佳品，不過實唔實用其實見仁見智，有男士就試過收到衞生巾。
但講到尾，禮物唔係最重要，心意先緊要。聖誕節，最緊要都係開開心心，祝大家聖誕快樂！
攝影：周芝瑩
記者：李珮禎