【本報訊】周三才是冬至，已有市民提早買餸做冬。消委會日前公佈有雞隻樣本包括本地即宰活雞含耐藥細菌，但對活雞生意影響不大，有雞檔指越接近冬至，雞價有可能再微升，其中被驗出有耐藥性細菌的嘉美雞昨日更加價。
市民憂含菌「煮熟啲」
消委會日前檢測逾9成本地雞樣本含耐藥細菌，但九龍城雞販玲姐指，銷量未受影響，「做冬呀嘛，梗係買成隻雞啦，我冇聽過啲客話驚」。現時雞隻零售價平均每公斤75至80元，她稱不排除接近冬至正日，價格會再微升。
另一雞販梁太則稱，雖然生意受消委會報告影響，銷量較往年下跌2至3成，但相信稍後會回升。她指雞隻經過檢疫，認為含菌是因運送途中接觸空氣所致，與雞隻無關，嘉美雞昨每公斤更加價3元至80元，「佢哋都唔憂做」。
主婦黃太得知消委會報告後，改變買雞策略，「今年買隻細啲嘅，唔想食咁多」。崔太則以400元買兩隻本地皇健雞，雖然擔心雞隻含菌，「但做節都係唔可以少咗雞嘅，平時最多唔好食咁多，會煮熟啲」。
■記者伍雅謙