【本報訊】辯方大狀李柱銘及李國章均年屆70並認識多年，盤問不似一般案件般針鋒相對，更不時輕鬆對談。李國章指校委一致通過成立審視《香港大學條例》專責小組，至於被指拖延，他說：「話要做一樣嘢，就即刻去做㗎啦。」李柱銘笑着反駁：「香港普選咪就一直拖。」李國章大笑：「咁呢啲係政治問題，我係學者！」
否認拖延成立專責小組
李柱銘又連番問及「社會好關注你哋開會」、「香港人好關注小組成立」、「小組要檢討校監由特首出任的必然制」、「有決心成立小組」等問題，李國章均同意並補充指所以當時安排了記者會向公眾交代。
李柱銘又謂：「（會議）係因為陳文敏教授做唔做到副校而引起？」李國章起初表示有影響但沒直接關係，強調大學每隔5年便需檢討條例，對上一次是2009年，故「係時候做檢討」。李柱銘於是追問：「所以有間接關係？」李國章始正面回應：「我覺得冇關係！」
他強調成立小組需時「搵人」，當時預計兩個月內完成，強調「話要做一樣嘢，就即刻去做㗎啦，冇理由話咗做又唔去做！」惟據報道，當時有校委曾提出制訂成立小組時間表，但遭李國章否決。
■記者楊思雅、勞東來