俗言有云人走茶涼，梁振英突然宣佈不連任特首後，連個職銜都未必有人記得。八方噚日出席「經濟導報」酒會，上屆提名唐唐參選特首，硬撼梁振英嘅全國政協常委陳永棋（圖），噚日上台致辭時，講完「尊敬的梁振英」後，停咗足足4秒，「Er」咗一陣先「Er」到特首二字，唔少在場傳媒都笑咗，台上嘅梁振英更一度黑面。
八方之後問陳永棋，佢決定提名邊個參選特首未？佢就話未諗，但佢今次醒，冇好似上屆特首選舉咁，一早押注落唐唐度，佢話曾俊華、林鄭月娥都係好好嘅人選，又話現時支持邊個仲係言之尚早，等多啲候選人出嚟，佢話選委會一定選出一個最適合香港人嘅特首！