【本報訊】今年大年初二凌晨，食環署驅趕熟食小販釀成騷亂，政府建議明年農曆年初一至初三，於旺角麥花臣遊樂場設熟食墟市。油尖旺區議會昨日討論有關建議，議員大多支持熟食墟市概念，但認為選址不合，最終否決建議。食衞局表示尊重結果，待區議會另行提議合適地點。
記者：馬志剛
食環署建議在麥花臣遊樂場設40檔熟食攤檔，限制只能用電力加熱食物，營業時間為正午12時到凌晨2時。大部份議員表示支持墟市概念，但對選址相當質疑。當區區議員仇振輝表示，已徵詢麥花臣附近最少11棟住宅大廈和周邊小販，「好多人講晒粗口，問點解揀呢度」。他認為人群聚集、噪音問題等難以解決，小食店亦希望藉新年檔期幫補貴租，因此強烈反對在鄰近設墟市。
當區區議員蔡少峰質疑沒明火煮食，形容「諗唔到除咗魚蛋燒賣仲有乜，會唔會40檔都係魚蛋」，吸引力不高。區議員黃建新就指，麥花臣曾辦明火盆菜宴，質疑為何明火墟市不可行。食衞局首席助理秘書長（食物）黃淑嫻回應指，規定電力翻熱是基於安全考慮，又認為「香港人頭腦好靈活，會用創意形式諗得通方法」。
區議員憂準備時間倉促
不少區議員批評距新年只剩下兩個月左右，時間倉促，商販來不及張羅。油尖旺區議會副主席黃舒明則表示「要同食衞局講句加油」，指局方就問題「做啲嘢」卻受批評，「𠵱家嚟傾又話要再諮詢，係咪想復活節、7.1先搞呢？」區議員莊永燦亦支持計劃，相信政府想施行德政，又反問「又唔係馬路，市民覺得安全，又好行，唔喺麥花臣又去邊度搞？」
立會議員兼當區區議員涂謹申指，仇振輝曾向他建議在原有花墟年宵市場完結後，翌日緊接設熟食墟市，他同意可研究。區議員楊鎮華亦指年宵地點已有電力供應和控制人流經驗，同意可優先考慮。結果區議會以8票贊成、9票反對，否決在麥花臣設新春熟食墟市。黃淑嫻稱尊重結果，重申當局對選址持開放態度。