鬍鬚曾為何猶疑不決，to run or not to run，原來，既然hea了十年，不急於一時，不妨等埋釋法。
零票自動當選後僅拿38票坐上主席位，無牙無爪，被特首司法覆核公開挑戰權法的梁君，今時唔同往日，已經無人再等埋發叔，建制派搞埋流會，等住釋法，理得你死。
土地問題，元朗生霸官地的鄉紳，連執法的路政署公職人員都買佢怕，改例放生。摸底，只有再摸下去，摸到政府流血不止，等人大釋法吧，釋咗，可能鄉紳會以和為貴，交出丁權，交還棕地……有一種，叫釋法效應嘛，政府七大政績之一，對不對？
釋法，連佔中都唔會令香港一日損失三千五百億，經濟專家跌眼鏡落地可以揦番拃沙。釋法啊，有益無害，釋法前和釋法後，強國同胞照樣來港買保險搶金條。「釋什麼髮？恤髮才對。收微信紅包嗎？」
狼哽咽，粒粒皆辛苦，從小桃園飯局到橫洲黑幕，從佔領運動到旺角「暴亂」，從炒熱港獨到具名司法覆核，釋法，無疑是最後一粒，一支筆一張摺凳已見底，無米落鑊！