呂健威馬房「駕善」今季先喺田草千六米跑第二，再跑田草千八米取得頭馬，兩戰都由徒弟蔣嘉琦執疆，人馬特別合拍。贏馬之後阿妹親自操過呢匹馬超過20課，幾乎包辦所有操練，周五朝早內圈慢踱亦都唔例外。「駕善」今次升上三班轉場跑谷草千八米，會令人有少少懷疑，不過翻查紀錄呢匹馬上季曾經喺快活谷贏馬，加埋排檔好負磅又輕， 絕對有機會再下一城。