丁俊暉（圖）爸爸客串講波？冇錯，呢位中國桌球一哥嘅老竇丁文鈞，喺前晚黑龍江國際桌球錦標賽，負責幫一間電視台評述小丁對基斯嘅比賽。最終贏6:1晉級32強嘅小丁賽後話：「我真係唔知爸爸講呢場波，好彩我表現唔差，爸爸應該唔太難評。」遺憾嘅係小丁喺第四盤錯失一次打147嘅機會。至於香港傅家俊噚日喺32強以4:6不敵比亞特。