新界鄉紳喺特首選戰中手握28票，作為特首候選人當然嚴陣以待。5年前嘅今日，唐、梁前後腳拜會新界鄉議局，席間大開期票。
唐唐話要放寬丁屋3層限制，689當年就話要發展邊境禁區，作為商業、展覽同零售等之用，仲要畀內地遊客憑旅遊證件免簽證入邊境區。此外，689亦大義凜然話，當私人產權同公眾利益有衝突，佢會用合法、合情、合理嘅方式處理喎。
當年大家聽到689言論嗰陣，覺得好似冇乜問題咁，試諗吓如果689今日話要開放邊境禁區，仲要畀內地人免簽證入去，睇怕暴動都似，皆因佢當選之後冇耐，香港人已經識穿佢嘅赤化香港大計。
至於話用合法、合情、合理方式處理私人產權同公眾利益嘅衝突嘞喎，佢的確有呀，摸底吖嘛，摸底合法嘅，但摸嘅過程俾人覺得唔多合情合理囉。