5年前嘅10月9日，前國家主席江澤民突然「翻生」現身北京辛亥革命百周年紀念活動，又令唐唐選情再被看漲；事隔兩日、當年今日嘅梁振英趁住出席公開活動，原來「刻意走到記者區回應提問」，回應有關江澤民「翻生」嘅問題。
八方冇刻意數住，但怕且呢幾年來梁振英喺傳媒前行過而冇答問題嘅次數，多過佢講「一帶一路」，唔睇番都唔記得佢曾經刻意走埋咪兜前話：「高興喺電視知道江澤民身體十分好」，唔畀江派支持嘅唐唐搶晒風頭。
而5年前嘅今日，選管會主席馮驊見傳媒時拒評有人話「備選」、「考慮參選」，係咪要開始計選舉經費。咁啱前排梁振英畀《蘋果》嘅律師信提到，《蘋果》社論阻礙佢行使競逐連任嘅權利。明明想連任，又講到似是而非咁，唔通都係想慳番啲選舉經費？