【本報訊】一張發黃了的「購物證」，吳先生保存了半世紀，那是父親的遺物，也是老店的憑證。父親1953年從內地走難來港，雖戰後和平，但物資貧乏。當年9月吳父向工商署申領購物證，在指定商店配購白米。購物證編號為81324，登記地址為元朗福亭街木屋，即老店現址。街道早已易名，老店恐也守不住。
「小朋友幫襯到結婚生仔」
老店現位於元朗市中心地段，吳先生說昔日四周都是菜田，「冇乜人，夜晚仲有牛經過」。因為顧客不多，母親要拿着藤椅走到錦田、洪水橋叫賣找生意。雖然生活艱苦，但勉強可養活一家，姊姊也在小店出嫁。父親早年病逝，他中學畢業後便接手改賣玩具，「賣數碼暴龍、Game Boy同紅白機帶，都叫搵到食」，也是區內80後、90後的集體回憶。
老店開業63年，竟被指霸佔官地，吳先生坦言非常氣憤，但也不及妻子傷心。「由我結婚到𠵱家，未離開過呢個舖頭」。吳太80年代初下嫁丈夫後，跟家姑打理店舖，「奶奶教我點睇舖，教我好多做人道理」。她說這小店滿載了生活點滴，「我奶奶在生時，同仔女喺度好多回憶，唔捨得。呢啲回憶係你有錢都買唔到」。過去兩個月吳太經常失眠，精神壓力大，「佢（地政處）話嚟收，我都唔知點算」。她說小店已經歷幾代客人，「由小朋友幫襯到結婚生仔，啲客都話做乜搞成咁，呢個政府做乜？」熟客葉太光顧多年，訪問當日才知道小店快將結業，「好可惜，老細同老闆娘都幾好，好親切。佢哋搬到邊，幫襯到邊」。
■記者王家文