被稱「Package男神」嘅青年事務委員會主席劉鳴煒（圖）噚日出席青年活動時，俾人問到點睇啲年輕人對前景感到悲觀？佢回應話I don't know（不知道），又話就算解決晒土地、民主同政治等等嘅問題，都會有新問題出現，寄語啲年輕人唔好凡事諗到太大，將問題斬件慢慢解決。
之後有人問佢，點樣做個好領袖？佢提出好領袖需要有3個特質，首先要同人有良好嘅溝通，第二要諗長遠啲，唔好淨係睇5年、10年，最後就梗係唔好做lone wolf（獨來獨往的人），要同人合作咁話喎！
事後有記者追問佢：「Who is lone wolf？」佢就笑笑口冇答。咦，唔通「獨狼」（lone wolf）係一個暗示？而大家對邊個係獨狼，怕且都唔使八方畀提示！