【本報訊】「知道爆竊案之後好擔心，成晚冇乜點瞓！」錦綉花園住戶周太感惶恐，不少居民亦有同感，因過往9日已發生6宗爆竊案，令屋苑內人心惶惶。周太憶述今年5月一次與賊同車的經歷，該疑匪事後被警方拘捕，但她已不禁抹一把汗。
「見佢周圍望，成身汗」
周太表示，昨日知悉屋苑內又發生兩宗爆竊案而且賊人在逃，在與街坊於fb群組談及近日爆竊案時，越想越驚，連忙亮起家中花園電燈，提防有賊人摸黑潛入：「真係好擔心……啲賊咁狼，有人喺屋入面都照爆竊，如果入屋綁起家人或者小朋友點算？」
不少居民都懷疑多宗爆竊案可能是內地竊匪趁十．一假期來港犯案，周太亦有同感，她憶述今年5月29日她在屋苑內與家人吃飯後，在路邊等候邨巴回家時，見到一名平頭裝的男子亦在等車，「我見佢企喺度周圍望，成身大汗，睇落似國內人，於是用普通話問佢係咪要搭車？佢冇應人，上車之後突然又衝番落車」。周太後來看新聞始得悉，原來該男子同晚與另一爆竊疑犯被警方拘捕，警方更在他們身上撿獲螺絲批等爆竊工具。
■記者簡明恩