曾被前國家主席江澤民怒斥「Too simple, sometimes naive」的前傳媒人張寶華，鏡頭前能言善道，但一年前經歷有口難言的人生低潮，靠畫筆為自己重新塗上色彩，終於走出低谷；其間陪同「中女」作畫的除了4歲姪女張詩晨，還有幾個「小學雞」，張寶華笑說：「你喺平時環境，唔會聽到有人講啲咁simple and naive嘅嘢，係發自真心嘅，所以畫得好開心。」
張寶華高小到中學都有學習油畫，升大學後放下此興趣，直至一年前離開了原來工作崗位，「有一段時間情緒好低落、好差，唔知乜事……可能係轉換工作環境……我養咗16年隻狗離開咗，有好好嘅朋友離開咗……好多轉變加起上來跟住就（情緒）暴跌。」情緒找不到出口，反而再度拾起畫筆，「每幅畫都係我對社會、對自己、對人生嘅感受」。
低潮時令她想到，不如助人自助，決定出售這13幅畫作慈善用途。她說「女人畫女人」最在行，所以畫作不少以女人為主題，卻看不到面容、甚至裸體：「𠵱家社會，女人嘅枷鎖太大，又要睇你個樣靚唔靚，唔靚又有好多稱呼……全部見唔到樣，或者變成動物頭，（因為）我靚唔靚係我嘅事，唔關你事。」
每幅義賣3萬元
畫中的「女人」更是她本人的投射，如〈蝶戀花〉畫一個束髻女子的裸背，正是按自己背影而畫。畫作亦反映她的成長與要帶出的價值觀，例如〈沒有嘴巴的女人〉，「我哋做傳媒有時好多嘢要表達出來，但有啲位『不講話比講話美』，大是大非要講，但有時沉默都係一種選擇」。
畫作每幅3萬元，收益捐贈惜食堂，不少名人已經「認頭」，如自由黨榮譽主席田北俊買了一幅《黃菊》；張指「好啱佢（田）」，菊花美麗而不張揚，生於深秋不畏寒，「做人有啲嘢好難，但要撐到最後，特別喺𠵱家香港」。
張寶華11月舉行畫展，以《色繪˙女人世界》為題展出低潮期作品，同場亦會展出姪女畫作：「一個4歲小孩同一個中女睇呢個世界有幾大分別，睇畫就知道」，「𠵱家港孩太幸福，畀佢哋參與吓（慈善），又唔使講得太沉重」。
■記者陳雪玲