22歲澳洲新晉騎師祈普敦於9月11日開齋兼起孖，之後連續四期冇馬贏，直至這天沙田賽事，他在同鄉練馬師大摩支援下，戰至第五場四班草地1200米，憑三歲澳洲馬「海翡翠」重返凱旋門，此駒開齋跑出7.4倍綠燈Win，落飛黨又出擊得手，組合獨贏A3派25元。
「海翡翠」由資深馬主香港高爾夫球會團體擁有，此團體之前有匹同名馬累積五勝七位退役。新版「海翡翠」上季兩歲出道兩戰新馬賽全輸，其中7月1日面對絕世好馬「巴基之星」當然無招架之力只跑第七，今次乃轉三歲後插四班首戰，對手再無「巴基之星」，結果在祈普敦初騎下一放而回，輕鬆贏近兩馬位，打開服役勝門，祈普敦日前特意往剪髮博轉運，果然成功重溫贏馬滋味。
今場由年輕三歲馬「海翡翠」勝出，二至四名則由三匹年長舊馬瓜分，順序為六歲「又襟又準」、七歲「路路發」及六歲「包勝」，四重彩派六萬一千幾。