周麗淇（Niki）、蔣怡與內地歌唱家周旋等昨日於尖沙嘴出席鎮金店25周年慶祝派對，已為品牌擔任代言人4年的Niki，問到她酬勞是否4級跳？她笑言根據經濟環境，微升是合理。Niki目前主力在內地工作，感情未有着落，她說：「仲未有着落，一路唔結婚，一路做佢哋代言人賺錢，慢慢嚟，做嘢多咗，鍾意𠵱家狀態，緣份隨緣啦，可能搭飛機都識到，不過我機會唔多，自己鍾意留喺屋企、酒店，係宅女。」會留機會給港男嗎？她說：「好呀！有冇介紹？」
此外，蔣怡囡囡幼稚園開學，現努力增肥中，她說：「暑假太辛苦嘞，𠵱家開咗學好開心，佢好enjoy，日日準備啲飯糰茶點畀佢都掃晒，平時都會親子一齊下廚。」
採訪：羅慧敏
攝影：沈健程