見到朗尼喺上場聯賽對屈福特嘔血般嘅表現，曼聯領隊摩連奴決定做一樣莫耶斯同雲高爾都唔敢做嘅嘢，就係棄用朗尼！曼聯球迷雜誌《Red Issue Sanctuary》做咗個調查，有超過99%球迷話要棄用朗尼，得唔夠1%嘅人撐呢位紅魔隊長。英國《太陽報》披露，摩連奴已經決定喺周末對李斯特城嘅英超棄用朗尼。另外報道仲話，摩連奴賽後批評左閘勞基梳爾，引起更衣室不滿。《太陽報》引述消息人士話，球員覺得摩連奴只係過客，光環不再，仲話以前費格遜唔會公開批評球員，有乜都係圍內講就算。中場費蘭尼亦同傳媒講，話球隊處於一個小危機之中，同埋大家士氣低落。