大市轉旺，大型新股又蒲頭，先有勢創兩年來全球集資額最高紀錄的中國郵政儲蓄銀行，率先登陸港股，繼而一眾去年未能食住個勢上市的內地券商亦開始蠢蠢欲動，密謀搶食內地股市概念水尾；連曾明言決不放棄合夥人制度的阿里巴巴關連公司螞蟻金服，亦聲稱計劃來港上市，想法話變就變。
焦點新股雲集香港，與此同時，卻有內地企業，聲稱香港股市或投資者未能給予集團真實與確切估值，忍受不了價值遭嚴重低估，明寸香港市場唔識貨，所以才毅然決定私有化，放棄當年千辛萬苦才拿到的香港上市地位，要回到「識貨」的內地股市，以更高估值上市。
內地市場參與者（主要是散戶）更「識貨」？可以用高於香港估值上市？為甚麼同一樣東西，在港估值會長期偏低（形容為不符大股東預期可能較合適），但又可在內地賣貴啲？是那個市場「唔識貨」？還是股東主觀意願堅離地？抑或是內地可容易實行「市值管理」？
又或者是，想暗示內地投資者較易騙？
密西比