本港8歲老馬「積多福」現正身處韓國，備戰周日(11日)沙地1200米韓國短途錦標，而馬兒這天(6日)就喺首爾馬場操練，一隻馬霸晒成條跑道，喺沙地上慢跳，走勢尚算輕鬆，睇嚟健康狀態唔錯。
練馬師苗禮德表示，「積多福」非常適應當地環境，在鬆軟的沙地上願意展步，令佢放心。至於以往曾去韓國出賽的田泰安就話，首爾馬場沙地跑道好似沙灘咁，非常鬆軟，既然「積多福」曾在鬆軟度相近的杜拜美丹馬場泥地金莎軒錦標跑過第二，估計韓國場地應難不倒佢。
田泰安又話，自己本周五在本港參加試完閘，才啟程去韓國，到周末韓國晨課，就會親自考驗「積多福」，並對此駒今次遠征有信心，希望為港爭光。
至於苗太則說，暫時未見到韓國本隊馬，但知道外國馬都幾好，今場將是一場令人期待有趣的賽事。