喺里奧開幕禮上以吳剛師傅造型為湯加持旗入場而成功上位嘅杜法度夫亞，上周六喺男子跆拳道80公斤以上級16強登場。但一如賽前所料，杜法度夫亞對住喺亞錦賽同埋世錦賽都攞獎牌嘅伊朗選手馬丹尼，全無還擊之力，結果慘輸1:16出局。雖然杜法度夫亞完成唔到喺里奧攞獎牌返湯加嘅心願，但經過今屆奧運之後，至少有過億人都識佢，所以佢已經贏咗。