【本報訊】首架完全在香港裝嵌及註冊的港產飛機「香港起飛」，屬單引擎螺旋槳雙座位飛機，造價約150萬元，目前全球約有8,000架同機種小型飛機服役。為應付今次長途旅程，工程團隊特別加大油缸，大幅增加續航力。
在港註冊編號為B-KOO、名為「香港起飛 Inspiration」的小型飛機是美國Van's Aircraft出品，型號為RV-8。此機種過往飛行紀錄良好，飛機組裝完成後長21呎、闊24呎，香港起飛團隊在尾翼髹上象徵香港的獅子山圖案。
「有人問過點解唔擺香港旗（在機尾），我覺得……香港人精神一直冇變過，無論咩時期、高高低低都好，所以我揀咗用獅子山圖案去做呢件事，對我嚟講十分重要」。Hank表示，香港人駕香港飛機飛上天，這個身份很重要，慶幸終能趕及出發前成功註冊，「冇咗香港登記，就同其他環球飛行冇分別」。
加大油缸橫越太平洋
飛機原設計每次只能飛行約500海里，約香港到台灣的距離。香港起飛將後座部份位置改裝成油缸，令容量增加近兩倍至460公升，以應付今次旅途當中跨越太平洋、從美國夏威夷到聖荷西逾2,000海里的最長航程。Hank指淨機價原只需約80萬元，「飛機本身並唔貴，自己砌已經平好多，但添置比較先進器材，價錢越來越貴，加上要喺香港做，運費已經佔好大比例」。
■記者馬志剛