大家有否留意一個怪現象，身邊越來越多人稱要節衣縮食，要削減不必要開支，為預期將來臨的經濟寒冬做準備，不過，另一邊廂，樓價卻「越話跌就越升」，跟大圍環境脫節，如某元朗新樓盤近日收票兼開放示範單位，累積收票勁，示範單位長期「逼爆」，花市一樣。
喜愛「炒樓」友人指，「零售冷、樓市熱」一點也不奇怪，甚至可以說，這現象是「預咗」。他說：「自從全球央行喪印銀紙，全球資產泡沫就開始吹大，印咗幾年，經濟都係無起色，大家唯有繼續印，搞到大家更加對錢無信心，有錢嘅焗住買樓，合力推高樓價，賣咗嘅唯有講句唔好彩。」
樓價居高不下，理應產生正財富效應有利零售，為甚麼會「零售冷、樓市熱」？友人續說：「以前無量寬，樓價升，樓市有流動，當然有利零售，𠵱家係咁印錢，銀紙貶晒值，錢嘅價值不停縮水，點會有利消費？就算買咗樓抗貶值，個人實質可以攞出嚟消費嘅錢即時少咗，零售點會好？」
「出得嚟行，預左要還」，這張賬單誰人「埋單」？
密西比