港鐵新一代車廂扶手改為藍色吊環設計（圖），已經喺觀塘綫、荃灣綫同港島綫個別車廂試用，點知懸掛式吊環設計網民似乎dislike，大嘆「新不如舊」。
改做軟膠防撞親
facebook專頁MTRiders最近發帖文，問網民鍾意舊有三角箒喱型嘅經典硬膠扶手，定係新藍色膠帶狀嘅軟膠扶手，仲發起網上投票，結果舊扶手以400幾票大幅拋離新扶手。
到底網民有乜試後感？有網民話顏色同手感都不佳，寧願做「柱男」，搭車時握緊靠近車門嘅扶手柱，又有人話似吊頸用，認真大吉利是。
其實港鐵去年公佈新車廂設計時話過，希望扶手設計可以引導乘客進入車廂中間，部份新列車亦會移除車門之間嘅扶手柱，而列車內嘅扶手吊環會由24個增至32個，而且軟膠會令乘客就算唔小心撞吊環亦唔會痛。