孫慧雪昨日到康怡廣場與廚師進行廚技示範，阿雪早前推出寫真被揭感情關係複雜，她說：「𠵱家感情狀況好正常，男友係Edwin Lo。」並指與緋聞對象彩豐行老闆楊振源從來冇拍拖。至於和Edwin拍拖多久？阿雪一臉尷尬拉開話題指工作忙碌，直認拍拖時間不足，一有空會爭取時間和男友食飯見面，還說：「男友習慣咗唔會投訴我，但會投訴出街俾人影，佢𠵱家同我出街會保持距離，所以大家唔好再偷影我哋喇。」
阿雪整食物手勢熟練，她說：「我對廚藝好有信心，可以三餸一湯，最拿手中菜、煲湯，好多朋友都試過我手勢，男友都鍾意我煮嘢食，最近比較忙，冇時間下廚。」
採訪：卓寶花
攝影：陳慧安