近日經常大雨，這天也不例外，加上是禮拜假期，到場操馬的洋將幾乎絕跡，就只得法籍好手杜利萊一人。
44 歲的杜利萊當然自己知自己事，今季他返港後，來來去去得鄭俊偉、方嘉柏兩人有馬給他操，高伯新在晨課則只與杜利萊傾計為主。咁嘅環境下，萊哥梗要勤力啲，多啲喺晨課亮相開工啦！這天他操了鄭俊偉兩駒，均在大圈出跳，分別是「贏盡」及「好好計」。即將遠征韓國的「好好計」雖然猛做工夫，但晨操專家積奇話佢火氣仍未夠，狀態唔算突出。
相反積奇指「贏盡」體形成長，出跳時正落大雨，但情緒好集中，大步有勁，今季明顯成熟邁進。睇番此駒上季5戰得2亞3第五，演出穩定，曾只敗給再出再贏嘅「歷險家」，相信「贏盡」喺四班評53分，唔難打開勝門。