提到非物質文化遺產，硬係唔小心同「失傳」、「式微」扣在一起，不過跟生活很貼近的涼茶、蛇酒等傳統中醫藥文化，其實都是「非遺」項目，屬於「有關自然界和宇宙的知識和實踐」的類別。拋個名出來，真係嚇親街坊，不過唔使驚，你會唔會驚杯涼茶先？扭傷跌親時的救星──跌打師傅，身懷的正骨醫術其實都係例子。
長春社文化古蹟資源中心的黃凱欣 (Hedy)今天拜見跌打醫師吳江南，不過他的身份殊不簡單。佢係真正的「非遺達人」，除了精通跌打，他還是獅藝與蔡李佛拳的師傅，而且還領軍舞動薄扶林村的火龍，四項非物質文化遺產他都落力傳承。
吳江南小時候住在薄扶林村，十一歲左右就跟師傅梁輝學蔡李佛拳，到略有所成，師傅就傳授獅藝。他說：「幫得手嘅徒弟，師傅會教埋你跌打，叫做有張『爛棉被』，將來搵到食，都唔錯。我哋呢啲傳統行業都係咁樣一條龍。」
他在堅尼地城的跌打醫館掛有獅頭、旗幟，展示了師傅的多重身份。眼利的Hedy還發現幾本古典醫書，書內的人像標示了各個穴位，看來相當細緻，而且畫風帶點諧趣，其實頗有趣。「醫書係前輩醫師送給我，點解我要留低呢，係想認識我們的前人如何由傳統中醫，發展為骨傷科，傳至我們這一代。」近百年的傳統智慧，蘊藏其中，雖然用於實踐的參考度不高，師傅仍會不時閱讀。
訪問期間，師傅剛好有症。記者發現他替客人敷的藥是新鮮即煮的。調配不同藥粉放進小煲內加熱，做法與外面的醫館不同。「我們師承就這樣做，唔使同人比的。那服藥熱啲，乾淨啲，藥力滲透就快啲。」
獅藝、功夫，師傅都有收徒弟，包括讀中學的女兒吳曉琳。「都希望帶住佢哋，慢慢向前。」記者所見，女兒悟性甚高，與父親對拆過招毫不怯場，耍拳有板有眼，不過他最希望徒弟學一點跌打醫術。「即使唔做跌打呢行，學少少，將來有輕傷，也唔使出去搵其他醫師睇嘛。」
查詢：非遺通勝Facebook專頁
記者：葉青霞