報名參選新西時自稱「美軍帶路羊」嘅中出羊子，因為主張港獨，俾選舉主任取消參選資格。網民都同聲嗚嗚，皆因冇羊子就冇三點式女火辣宣傳，亦冇得一睹羊子別出心裁嘅文宣。
似乎羊子都聽到網民心聲，噚晚喺facebook賣大包，公開佢冇機會喺今次選舉面世嘅海報，海報中見佢寫明自己係「香港建國運動旗手」，羊子形容海報「應該是全香港最X有霸氣的」，仲話背景書法中，大家唯一能夠睇到嘅4隻字係「心無罣礙」。
家陣咁多人話提選舉呈請，羊子叫大家放心，佢第日參加重選時海報實有機會再同各位見面。佢又話期望司法覆核後北京釋法，因為冇人知今次係689定北京下指令，只要一釋法，就會一清二楚，「我上美國國會時，就可以名正言順邀請美軍去北京了，作為帶路人的可觀酬金，袋袋平安」。新西參選名單，請參閱本報立會選戰網站 http://hk.apple.nextmedia.com/legco2016/region