今年2月底舉行嘅立法會新界東補選，當時7號仔係公民黨楊岳橋Alvin，最終成功當選。嚟緊9月再戰，前日候選人抽籤決定參選號碼，AY竟然抽番7號，認真與7有緣。
八方問過AY，佢當然唔覺得7號有問題，仲話讀嚟特別好記，加上選民半年前先聽過「請投7號楊岳橋」，應該仲有印象，宣傳時亦有少少好處，抽得番都幾好彩喎！
咁補選時嘅物資係唔係用得番？佢話文宣、口號等都唔同晒，唯一用得番嘅係貼紙，好過冇啦！
問到上次補選嘅6號仔、即係本土民主前線梁天琦冇得選，對佢選情有冇影響？AY唔去評估嘞，只稱邊個泛民入到立法會都要追究到底！
該區其他參選名單，請參閱本報立會選戰網站 http://hk.apple.nextmedia.com/legco2016/region 。