證監會上月批咗10個資產管理牌照（俗稱9號牌），除咗見慣見熟嘅內地資金之外，仲有香港興業（480）大股東查氏家族第三子查懋德創辦嘅C.M. Capital Advisors。
查懋德喺2007年創辦CM Capital Advisors，主要幫客戶度身訂做投資計劃，包括另類資產與傳統資產。CM Capital Advisors母公司係CM資本，幫查家管理喺美國嘅房地產投資。唔知攞咗個9號牌之後，查氏會喺香港有乜搞作呢？
睇番紀錄，查懋德並非證監會持牌人，另一個身份係香港興業非執行董事，佢哥哥查懋聲與查懋成分別係興業主席與董事總經理，睇職銜，查懋德應該專心發展金融事業多啲。