【本報訊】「我唔想再見到有火警發生，令無辜消防員喪生，裏面（迷你倉）有冇人住，佢哋（職員）心知肚明。」葵興工業大廈時昌迷你倉租戶區小姐表示，單位內設有多部閉路電視24小時錄影，租戶舉動應逃不過職員，她懷疑有人知情不報，縱容租戶違規。
區小姐在上址租用了迷你倉一年多，過往一直沒有特別留意該倉的安全問題，感覺亦不太差。不過，自從九龍灣淘大工業村時昌迷你倉四級火後，令她加倍留意消防安全，因為葵興工業大廈樓齡達45年，不設自動灑水設施，與九龍灣的迷你倉相似。「迷你倉有人住，佢哋（職員）一定知，以前冇事冇人提，𠵱家發生咁大件事，我身為租客都擔心自己生命安全，而且呢度走火通道晚上會上鎖，若發生火警，叫人走得去邊？」
倉內傳吠聲有糧兜
區小姐表示，前日中午到迷你倉存貨時突然聽到有狗隻的吠叫聲，她初時以為有人將小狗鎖在迷你倉內，於是循着聲音前往尋找，當她行到走廊盡頭時，發現該處有不少雜物亂放，一張摺枱打開，另有多個膠箱叠高，地下又放了一個疑是用作放狗糧的兜。她懷疑有人在儲物倉居住，甚至將狗隻帶來。
她不滿職員未有巡查及嚴厲執行規定，「租約規定唔准食煙、唔准放易燃物品，但職員有冇執行是另一回事，呢度係擺貨唔係住人，廁所或地下間中都有煙頭，我懷疑有人居住」，促請政府加強執法。
記者昨以顧客身份致電該迷你倉查問，職員明確表示上址不設自動灑水設施，分別供應20平方呎、32.5平方呎及55平方呎的迷你倉，租金由570至1,572元不等。
■記者彭愷欣