喺呢個月31號同霍建華喺峇里島結婚，結束黃金剩女生涯嘅林心如，雖然有傳心如已經懷孕4個幾月，兼且佢仲多次俾人影到佢肚凸凸咁現身，但係心如一直都唔肯承認。
昨日有內地傳媒影到肚凸凸嘅心如，喺內地繼續為好友蘇有朋執導嘅電影《嫌疑人X的獻身》開工，今次係佢哋15年前拍完《情深深雨濛濛》之後嘅合作，但係喺現場見到，心如嘅戕態似乎麻麻，不過佢都好專注開工。飾演店員嘅心如，埋位嗰陣一啲都唔錫身，拎住個菜籃搬上搬落都冇問題，搞到側邊睇住佢嘅人都抹晒汗。
唔駛埋位嗰陣，心如同蘇有朋密密傾，好似有講唔盡嘅話題，收工之後，心如第一時間返酒店休息，男助手仲捧住一鍋粥，似乎食得好健康喎！