科技發達，人已經越來越懶，平日上網搵食都要打字，點出地點或菜式，雅虎（Yahoo!）最新推出「搜索附近」新功能，用家只要用手機打開GPS衛星定位功能，然後進入Yahoo!官網，按幾下就知道身處附近有乜餐廳、有乜景點，字都唔使諗點打。睇怕人類不久將來就唔記得心算或寫字筆劃了。
用家進入Yahoo!官網，輕點輸入Keywords位置，就會有一項「探索附近的地點」欄目供選擇，進入後即可以用戶為中心，搜索附近食肆、戲院、景點等。
雅虎目前已經與Openrice等內容供應商合作，搵到嘅相關飲食資料，都係由對方提供。此外，雅虎已經發展緊聊天機器人、人工智能，向用戶推送感興趣嘅資訊。
大家將來除咗唔使點用腦，甚至唔使出街都有「朋友」傾偈，真係好到冇朋友！