陳蕊蕊跟金剛分手後回復單身，蕊蕊指自己追求者眾，早前本報拍到她到澳門新濠影匯參加電音起義音樂節時，跟澳門賭業猛人周焯華愛將、澳門撲克王俱樂部總裁余加榮（榮少）態度親暱，男方又攬又un，完騷又一齊坐車走。昨日蕊蕊現身西九龍中心出席台灣女星祈迹加盟輝皇娛樂公司的簽約儀式，被問到跟榮少是否拍拖時，蕊蕊說：「其實嗰位都只係朋友，𠵱家都了解中，追求者唔止一個。」
稱男方主動
蕊蕊形容榮少是比較主動的男士，問到報道出街之後，二人會否變成密友？她說：「係玩得埋咗嘅，但嗰晚就冇一齊走，都冇一齊過夜，其實我都怕影響到佢，但佢都好明白我。」不過傳聞榮少有台灣模特兒女友賴珮鈺（Patty），她說：「佢同我講話冇喎，你哋有乜消息記住通知我。」
小智認輸蝕
祈迹簽約新公司，莊思明和莊思敏都有來支持，莊思敏在台上叫祈迹多出席飯局，認識更多朋友，所指當然是正經的飯局，現場更發現化身《寵物小精靈》主角小智的落選港男小龍，他應邀到場送花給祈迹，小龍說：「落選其實都冇乜嘢，我自己都預咗。」雖然如此，小龍人氣比入圍的肌男更勁，他說：「呢個係無可否認，但始終今次係有啲輸蝕，無論係學業或身形，同其他參賽者差好遠，唔夠佢哋咁大隻，所以要返去操弗啲先。」失落大台，小龍表示ViuTV搞男士選舉，他會考慮捲土重來。
由台灣來港發展，祈迹表示想拍電影，亦即將開拍兩套戲《旺角女人街》和《愛情插班生》。《旺角女人街》下月開拍，她飾演一名富家千金。
採訪：曹家誠
攝影：沈健程