「沒有得你的允許，我都會愛下去」，當知道被民建聯捨棄，唔畀排第一出選立法會港島區後，1993年入黨嘅鍾樹根點會唔傷心？考慮緊退黨參選嘅佢接受港台節目《早辰．早晨》「講式早餐」環節訪問時話，始終咁多年，同個黨有感情，感慨話：「我係姓鍾的，但樣唔似鍾無艷，命就有啲似」，佢話自己從政時機唔好，等到50幾歲先上位，上位後就話你夠鐘，心情點會輕鬆？
之但係佢呢排人氣咁旺，個黨會唔會回心轉意畀佢領軍？Tree根以炒麵語帶雙關話：「我哋不可以翻兜」，「殘酷一叮即食麵，隨時被叮走，冇得留低」。
想做主持 自讚「質」人勁
佢直言若最後唔參選，港台可以搵佢做主持，皆因曾經狠批港鐵前行政總裁韋達誠「dreaming on your office」嘅佢笑稱，自己「質」人好勁。