據聞因為想媾前曼聯領隊莫耶斯個女而搞到俾曼聯踢走嘅韋費特沙夏，又因為女人而惹上麻煩。據英國《太陽報》表示，家陣效力水晶宮嘅沙夏雖然有女友，但仲周圍偷食，仲要睇中狼隊後衞高特利侯斯嘅女朋友。消息指，沙夏同高特利侯斯個女朋友喺舊年10月就撻着，而且仲一齊去咗摩洛哥度假；而高特利侯斯同沙夏女友之前一直唔知，直至最近沙夏露出蛛絲馬迹先知自己做咗儍仔儍婆。