喺上星期六舉行嘅美洲盃季軍戰，真係一地眼鏡碎，皆因有主場之利兼且受讓平/半嘅美國輸咗畀哥倫比亞（圖）之餘，最慘個比數仲係0:1，打破咗季軍戰經常開「大」嘅慣例，所以，令唔少球迷損手。由於美國喺分組賽已經輸過畀哥倫比亞，加上又喺主場比賽，所以呢場都踢得好有決心，而哥倫比亞亦放開嚟踢，所以兩隊都有唔少攻勢，可惜，偏偏入球就唔多，淨係得31分鐘卡路士巴卡嘅攻門成功破網，結果就開出入球「細」囉！