美國著名招聘網站monster.com做過調查，原來見工最初的385秒最影響成敗，第一印象原來咁重要！要建立好印象，打開linkedin發現不少人都為專業頭像相片花心機，真係咪以為見工相可以隨便找一張證件相代替！今次找來專業影樓攝影師蕭國煒（Sam）和自拍館主理人劉梓康（Lawrence）教路，原來拍攝一張漂亮的見工相有三個秘訣：
貼士1：托高眼鏡免反光
拍照時，最怕是眼鏡反光。要拆解可預備沒有鏡片的眼鏡鏡框，或拍照時盡量把眼鏡托高一點，再輕輕把下巴垂下，便可以避免反光。再保險一點，記得拍攝時跟攝影師溝通一下，睇吓邊個角度無咁易反光。
貼士2：望鏡chok樣
望住攝影師要擺出chok樣其實不容易，喺鏡頭側邊擺塊鏡就可以解決。影相時望住塊鏡子，知道自己個笑容係點之後，再將眼神輕輕調向鏡頭就唔會咁緊張啦！
貼士3：三七面騷靚輪廓
喺自拍館影相，喺無人睇住嘅情況下可以自由擺pose，但應該怎樣擺，面形和pose先好看？其實只要斜少少塊面，以六四、七三比例對鏡頭，即時可以騷到立體輪廓。不過影靚相還影靚相，大家都要攞個平衡，唔好影出誇張嘅大眼尖面，令僱主覺得你張相唔似你呀！
記者：黃樂雯