Iron Man幾受歡迎？還是蝙蝠俠中堅粉絲更多？外國如何我唔知！不過香港手機粉絲們用荷包投下神聖一票，蝙蝠俠完敗了！話說去年Samsung都出過Avengers版S6 Edge限量版，佢個Iron Man機身造型，今天大家還津津樂道，而且想當年還非常好炒，基本上一見光就被人買起！
6月17日剛過去的星期五，唔知在座又有幾多人留意到蝙蝠俠版S7 Edge推出？香港機價$8,398，好多電器連鎖店都有現貨到手，不過首日去貨情況認真麻麻，先達好些老店還收到大舖Sales電話，問要唔要「同行拆貨」？雖然拆機價格有優惠，不過先達Sales們當然精過鬼啦，大家好似馬上聞到陣「炒燶味」一樣，估計這部機有點兒「坐貨」跡象；所以先達Sales們亦好齊心，對呢部特別版手機耍手兼擰頭。水貨情況又如何？聞說外國銷情算正常，水貨來貨價都有微炒跡象，所以暫時無人夠膽入水貨；其實這樣的賣機情況，是所有實際型用家所樂見的，可以用番正常價格，購買自己所愛的手機！
記者：朱崇德