噚日立法會會議廳，唔少攝影師對住商務及經濟發展局局長蘇錦樑狂影，一塊貼咗喺佢左眼角邊嘅肉色膠布（圖），謀殺唔少攝影師菲林，吸引力勁過在場一眾官員同議員。八方打探過，原來Greg蘇喺前日朝早，搵醫生幫佢移除左邊面嘅皮膚表皮組織，據聞因為有斑凸起，據知5分鐘就搞掂；為免細菌感染，醫生建議呢三日外出時最好貼住膠布，造就佢成為噚日會議廳內最吸睛嘅官員。Greg蘇回應話係「小事」，似乎唔多想因為「膠」味而成焦點！