今個星期日日落雨，感覺好似冇咁熱，不過下周初開始雨勢稍緩，酷熱警告又出籠了！
日本最近新推出一款USB水冷靜音散熱墊，感覺非常消暑，其散熱原理與電腦用水冷系統有幾分似，以軟軟啫喱狀散熱墊緊貼用家皮膚，然後中間會走過一條九曲十三彎的水管，只要連接跟機附送的1,000ml水壺，內裏放入冰冷的雪水，佢就可以為你身體不斷降溫。最重要是價錢超平，日本賣街價為5,980日圓，折算港幣為$437，須知一件水冷背心，等閒都要過千元一件！記者：朱崇德