「6424後開始唔對路，6427？條數出問題。」
（後生仔從來都是問題青年，老餅最清楚，費事拗數，由他們爆粗，無咁好氣。）
「以小欺大，好便宜喎。」
（後生仔火大企唔定，明年實升級，迫老餅讓路。到時維園讓俾你班本土搞咯。本土地產商上身，被趕出去的是馬屎埔班維園農夫。64落得雙重悲情。諗起都老淚縱橫。）
「班後生叫囂，搵支聯會祭旗，肆無忌憚抽水。難得大家心痛但包容。後生仔唔識世界嘛。」
（追究起來，乃係父母疏於管教，等於那個頑劣闖入園區結果累死黑猩猩的美國小男孩，家吓動物園打算控告男孩的家長，兜兜轉轉，都是成年人揹鑊。）
「今晚，年輕人來，不過熱鬧些，歌唱多幾首。唔like割席，同路人依然燭光中靜思悼念，毋忘初心。6427抑或6435，從來都是零回報，後生驚蝕㩒掣斬倉，老餅呢？」
（長揸27年，無諗過斬纜。爭取在台山核電廠出岔前，約定班老鬼，坐輪椅都要來！）