李城嘅占美華迪今日大婚，佢未婚妻碧琪揚言會同大家不醉無歸，英格蘭領隊鶴臣當然收到風，估唔到鶴臣幾醒喎，打算用群眾壓力令華迪乖乖唔飲酒，鶴臣同記者講：「我希望華迪喺婚禮同婚禮後規規矩矩，如果佢做啲出位嘢，你哋即管狂插佢啦！」咁即係叫華迪飲水好喇，唔怪得華迪嘅國家隊兼李城隊友「飲水哥」真禾特都係婚禮嘅嘉賓啦。講開飲水哥，由於有傳利物浦想買佢，所以李城就將加佢人工到周薪八萬鎊，希望留住呢名中場。