【本報訊】特首選舉明年3月舉行，一直被視為「黑馬」的行會成員陳智思（圖）昨接受商台訪問時談及特首選舉，指前特首董建華開了不好先例，因為避免有延後利益的嫌疑，表明卸任後不會重返商界。他指此舉阻礙有才能者考慮選特首，「董生，你當時做（特首），可能已經退緊休，你再退休冇所謂。任何人後生嘅，呢條路咪一條死路？單程咋喎，出唔返嚟喎」，坦言這是其中令他不考慮選特首之因。
「要放棄所有嘢冇可能」
陳指若要「叻人」放棄專業、事業選特首，「跟住又唔返得出嚟（商界），返出嚟你又質疑佢……冇乜嘢人可以做到」。有「公職王」之稱的陳智思，坦言因為董建華開了不好的先例，令他不想做更高的位置：「要我放棄晒所有其他嘢冇可能」，強調不會為站得更高而放棄事業及其他東西，並指要經營家族生意。陳更笑稱做特首「會死得幾慘」，「我想像中會死得幾慘」。擔任公職17年，陳指頭10年任公職時毋須處理太多爭議，及至近7至8年出任的崗位都是「爭議位」，笑言「好彩走得快」。
■記者陳雪玲