【李八方online】香港城市大學上周五大鑊鳥，發生天台倒塌事件，令各界關注各機構大樓或商廈有綠化嘅屋頂，會唔會有事？查實立法會大樓都有綠化屋頂㗎，而立法會秘書處得悉城大出事後，梗係即刻請建築署檢查大樓嘅綠化屋頂及露天花園啦。 秘書處今日回覆議員時引述建築署話，位於1樓、5樓及天台嘅綠化屋頂及露天花園，均為大樓嘅原有設計而非後加工程，並已通過嚴格審批。喺實地視察後，建築署確定呢啲綠化設施嘅現況符合原來設計嘅負載，排水系統亦正常運作，相信一班議員可以放心了。