雖說三個女人一個墟，但其實兩個女人聚頭都可以好好傾，好似噚日港交所第三次舉辦「人民幣定息及貨幣論壇」，董事馮婉眉（Anita）與梁高美懿齊撐場，坐埋一齊傾到笑逐顏開，旁邊嘅高盛（亞洲）顧問董事范華達惟有專心睇大會資料喇。
Anita與梁高美懿曾經分別掌管獅子行與恒生銀行（011），近年分別離開舊東家，Anita幫恒隆地產（101）做獨董，梁高就繼續做銀行家，過檔越秀集團入主嘅創興銀行（1111），做副主席兼董事總經理。
兩位本身都friend，𠵱家一齊做港交所董事，更加多話題。佢哋噚日撐場之外，順便向業界推介港交所近來猛推嘅人仔產品。
而旁邊嘅范華達亦以金發局成員嘅身份，力推綠色金融，最簡單就係發埋綠色債券。