【本報訊】每逢季尾人疲馬乏，有磅減的見習生成為搶手貨，馬匹在受讓磅下所承受壓力減少，往往可交出好表現。
練馬師：減磅威力大
其中昨日交馬匹「好友心」給蔣嘉琦策騎贏馬的練馬師文家良表示：「馬匹配蔣嘉琦減10磅威力好大，大家可以想像一下，普通贏一場頭馬，如果唔係大勝對手，會被評磅員加大約5至6分，以賽馬世界中1分等於1磅計算，用10磅見習生可以減10磅，變相有賺，真係好大幫助。」
「好友心」的馬主休閒騎馬人士團體成員有幾位是女馬主，其中女馬主鄧詠琪力讚蔣嘉琦：「有啲馬特別夾一啲騎師嘅韁繩，而嘉琦嘅韁繩比較柔軟，特別令一啲馬跑得好舒服，我嘅馬匹『好友心』以往搏嚟搏去都未能勝出，嘉琦成功為此駒攞到頭馬。喺我眼中，嘉琦鬥志一流，很盡力去策騎，係我最欣賞嘅。以今場『好友心』為例，嘉琦跑來好有智慧，佢賽前努力做足功課，臨場因應形勢而執生，出閘後一早搶喺前走，由頭放到尾，我同家人都好喜歡嘉琦，覺得佢很努力。」
至於師傅呂健威則說：「蔣嘉琦近期一直有馬贏，令她騎馬越嚟越見信心，但我認為佢始終尚欠經驗，需要時間磨練。」
■記者文傑、陳嘉甜