意大利籍教頭干地（圖）來季就接手車路士，近期都不斷傳出新一季組軍消息，繼之前傳佢準備向中場夏薩特開刀，上任首個清洗目標就係夏球王後，另一個比利時兵泰拔高圖爾斯都傳聞會成開刀對象，話干地準備重用波斯尼亞門將比高域，會賣走高圖爾斯咁話。干地之前教祖雲達斯同𠵱家教意大利國家隊，都係重用老牌門神保方，或者干地覺得門將要越老先越可靠，高圖爾斯未夠24歲就爭啲。另外又傳干地唔準備賣走麻煩友前鋒迪亞高哥斯達，希望下季留用。